သီချင်းတစ်ပုဒ် အောင်မြင်ဖို့ မေ့ထားလို့မရတဲ့ အဓိကသော့ချက်

 

MAMAMOO အဖွဲ့ဝင် Hwasa ရဲ့ Solo သီချင်းသစ် "Good Goodbye" ရဲ့ အောင်မြင်မှုကတော့ အားလုံးမြင်တွေ့နေရတဲ့အတိုင်းပါပဲ။ သီချင်းထွက်ပြီး ၃ လကျော်ကြာတဲ့အထိ Social Media Platforms အားလုံးမှာ Viral ဖြစ်နေတုန်းပါပဲ။ အခုဆိုရင် YouTube မှာ ကြည့်ရှုနားဆင်သူပေါင်း 94 သန်းကျော်သွားခဲ့ပါပြီ။ သေချာပေါက် ဘီလီယံ View အတွက်ရှေ့ဆက်နေပါပြီ။ TikTok မှာဆိုရင်လည်း အခုချိန်ထိ Viral ဖြစ်နေတုန်းပါပဲ။ 

အခု ဒီစာက "Good Goodbye" သီချင်းအကြောင်း သက်သက်ပြောချင်တာ မဟုတ်ပါဘူး။ Hwasa အနေနဲ့ သူ့သီချင်းကို လူအများကြားထဲ Viral ဖြစ်သွားအောင် သူကိုယ်တိုင် ဘယ်လိုသေချာစီစဉ်ပြီး (Strategic Planning) လုပ်ဆောင်ခဲ့တာတွေက သတိထားလိုက်မိသမျှ Case Study အနေနဲ့ ဒီစာကိုရေးမိသွားတာဖြစ်ပါတယ်။ ထူးထူးဆန်းဆန်းကြီးတော့မဟုတ်ပါဘူး။ Innofective နဲ့ လက်တွဲနေတဲ့ အဆိုတော်တော်တော်များများကိုလည်း အမြဲအကြံပေးဖြစ်တဲ့ အကြောင်းအရာလေးပါပဲ။ ဒါကတော့ "Social Media Marketing" ပါ။

---

အဆိုတော်တစ်ယောက် လုပ်ရမယ့်အပိုင်း (၃) ပိုင်း

၁။ Production: သီချင်းထုတ်လုပ်မှုအပိုင်း (သီချင်းရေး၊ တီးခတ်၊ အသံသွင်း၊ Mixing) ၂။ Distribution: ဖြန့်ချိရေးအပိုင်း (သီချင်းကနေ ဝင်ငွေပြန်ရဖို့၊ Music Stores တွေပေါ်ရောက်ဖို့၊ လူတိုင်းအလွယ်တကူနားထောင်နိုင်ဖို့ နေရာတိုင်းမှာ ရှိနေစေဖို့) ၃။ Marketing:ဈေးကွက်ထိုးဖောက်ခြင်းအပိုင်း

ဒီအထဲမှာ အဆိုတော်တော်တော်များများ မေ့နေတတ်ကြတာက Marketing အပိုင်းပါပဲ။ အမာခံပရိသတ် (Fanbase) ရှိပြီးသား၊ အောင်မြင်ပြီးသား အဆိုတော်တစ်ယောက်အတွက် မလိုအပ်ပေမယ့်၊ နေရာတစ်ခုရဖို့ ကြိုးစားနေဆဲ အဆိုတော်တိုင်းကတော့ Marketing ကို လုံးဝ မေ့ထားလို့မရပါဘူး။ Marketing မလုပ်ဘဲ Viral ဖြစ်သွားတဲ့သူတွေ ရှိပေမယ့် ဒါက ရာခိုင်နှုန်းအရမ်းနည်းပြီး ကံအရမ်းကောင်းလို့ပါ 😅။

ဘာကြောင့် Marketing လိုတာလဲ? ဒီနေ့ခေတ်မှာ နေ့စဉ်နဲ့အမျှ သီချင်းသစ်တွေ အများကြီးထွက်နေပါတယ်။ ပရိသတ်က ကိုယ့်သီချင်းကို သေချာအချိန်ပေး ရွေးချယ်နားဆင်ဖို့ဆိုတာ ကိုယ့်ဘက်က ထူးခြားတဲ့ အားစိုက်ထုတ်မှုတွေ ရှိမှရပါမယ်။ လူတိုင်းက "အိမ်အရောက်ဝန်ဆောင်မှု" တွေကိုပဲ နှစ်သက်လာကြသလို၊ ဖုန်း Screen ပေါ် (မျက်လုံးရှေ့) ရောက်လာတာကိုပဲ ကြည့်ဖြစ်ကြတော့တာပါ။ တကူးတကဘာကိုမှ မရှာကြတော့ပါဘူး။ သူတို့ရဲ့ ကြိုက်/မကြိုက် ဆုံးဖြတ်ချက်က ၅ စက္ကန့်လောက်ပဲ ကြာပါတယ်။

သီချင်းတစ်ပုဒ်ထွက်တဲ့အခါ Agency တွေ၊ Distributor တွေကို အပ်လိုက်တာက "Distribution" (ဖြန့်ချိရေး) အတွက် အဓိကဖြစ်ပါတယ်။ သီချင်းကို Platform တွေပေါ် ရောက်အောင်ပို့ပေးမယ်၊ Promo အနည်းငယ် လုပ်ပေးမယ်၊ ဒါပါပဲ။ ဥပမာ - ကုန်ပစ္စည်းတစ်ခုကို ဆိုင်တွေအနှံ့လိုက်တင်ပေးမယ်၊ ဆိုင်ရှေ့မှာ Poster ကပ်ပေးမယ်၊ ဒီလောက်ပါပဲ။ ဝယ်သူတွေ ကိုယ့်ပစ္စည်းကို သိပြီး လာဝယ်အောင်လုပ်ဖို့က Marketing အပိုင်း သက်သက်လိုပါတယ်။

Label ကြီးတွေအောက်မှာရှိတဲ့ Artist တွေကတော့ ကုမ္ပဏီက Marketing Plan ဆွဲပေးပေမယ့် Independent Artist တွေကတော့ ကိုယ်တိုင် လုပ်ကိုလုပ်ရပါမယ်။

---

ဘယ်လို Marketing လုပ်မလဲ? (လက်တွေ့ကျတဲ့ နည်းလမ်းများ)

အကြီးကြီးတွေ မစဉ်းစားပါနဲ့။ ကိုယ်လက်လှမ်းမီတဲ့ အသေးဆုံးလေးတွေကနေ စလိုက်ပါ။

✅ ၁။ Social Media Profile တည်ဆောက်ပါ Platform အားလုံးမှာ Artist Name တစ်ခုတည်းနဲ့ အကောင့်ဖွင့်ထားပါ။

• သတိပြုရန်: နာမည်နောက်က "Official" တို့ ဘာတို့ လိုက်မထည့်ပါနဲ့။ ကြောင်တောင်တောင်နိုင်ပါတယ်။ (ထည့်ထားတဲ့သူတွေအတွက် Sorry နော် 🙏) Official ဖြစ်ဖို့က Platform တွေကပေးတဲ့ Verification ရဖို့ လိုတာပါ။ official ထည့်ထားတိုင်းလဲ official မဖြစ်ပါဘူး။ ဒါကြောင့် နာမည်ရဲ့ အမြီးမှာ ထည့်ရေးထားစရာမလိုပါဘူး။

• ရှိသင့်တဲ့ Platforms: Facebook, Instagram, TikTok, YouTube, YouTube Shorts (Twitter/X)။ (Donald Trump သုံးတဲ့ Truth Social လောက်တော့ မလိုပါဘူးဗျာ 😅)။

✅ ၂။ သီချင်းမထွက်ခင် (Pre-Release) Viral ဖြစ်ဖို့ အလွယ်ဆုံးက TikTok နဲ့ YouTube Shorts ပါ။

• သီချင်းမထွက်ခင်ကတည်းက Teaser အပိုင်းအစလေးတွေတင်ပြီး လူတွေ နားယဉ်နေအောင် လုပ်ပါ။ သီချင်းနာမည်ကို အရင်ဆုံးရင်းနှီးနေအောင်ကြိုလုပ်ပါ။ 

• ကိုယ်ပိုင် Social Media အားနဲ့ မရရင် သူငယ်ချင်း၊ ချစ်သူ၊ ညီအစ်ကို မောင်နှမ၊ မိဘတွေကအစ အကူအညီတောင်းပြီး Share ခိုင်းပါ။ ဒါ ရှက်စရာမဟုတ်ပါဘူး၊ ငွေမကုန်တဲ့ Marketing ပါ။ အရပ်ကူပါ လူဝိုင်းပါ ပေါ့ဗျာ 😅

✅ ၃။ Content ဖန်တီးမှု (Creation)

• TikTok/ YouTube Shorts အတွက် သီချင်းရဲ့ အကောင်းဆုံး (Hook) အပိုင်းကို ဖြတ်ပြီး ၁ မိနစ်စာ Portrait Video (ဒေါင်လိုက်) ဖန်တီးပါ။ Hwasa ရဲ့ Good Goodbye သီချင်းက Verse ထက် Chorus ပိုင်းအရမ်း powerful ဖြစ်ပါတယ်။ ဒါကြောင့်သူ Chorus အပိုဒ်ကိုပဲ လူတွေကြားထဲကို ရောက်အောင်လုပ်ခဲ့လို့ ဒီသီချင်းအောင်မြင်သွားတာပါ၊ ဒါကပုံသေတော့မဟုတ်ပါဘူး၊ တချို့သီချင်းတွေက Verse က ပိုကောင်းပါတယ်။

• Caption: မြန်မာလူမျိုးတွေ Heart ထိစေမယ့် စာသား (သို့) ကဗျာဆန်ဆန် စာသားလေးတွေ ရေးပါ။ (လိုအပ်ရင် ကဗျာဆရာ မိတ်ဆွေတွေကို အကူအညီတောင်းပါ)။

✅ ၄။ သီချင်းထွက်ပြီးချိန် (Post-Release)

• Agency/Distributor က Stores တွေပေါ်တင်ပေးလိမ့်မယ်။ ကိုယ်က Marketing ဆက်လုပ်ပါ။

• Facebook မှာ Budget နည်းနည်းသုံးပြီး Boost လုပ်ပါ။

• TikTok မှာ ကိုယ့်သီချင်းနဲ့ လိုက်ဖက်မယ့် Trend (Dance Challenge/ Acting) တစ်ခုခု ဖန်တီးပြီး ကြည့်ရှုသူတွေကို ပါဝင်ခိုင်းပါ။ လူတိုင်းပါဝင်နိုင်ဖို့အတွက် trend တွေကို အလွယ်ဆုံးနည်းလမ်းတွေနဲ့ဖန်တီးပါ။ 

• Consistency: သီချင်းထွက်ပြီး တစ်ပတ်လောက်ကြာရင် Portrait Video တွေကို FB/IG မှာ ပြန်တင်ပါ။ MV ရိုက်နိုင်ရင် ရိုက်ပါ၊ မရိုက်နိုင်ရင်တောင် Lyric Video အတိုလေးတွေကို နောက်သီချင်းသစ် မထွက်မချင်း ဆက်တိုက်တင်နေဖို့ လိုပါတယ်။

---

Hwasa အကြောင်းလေး ပြန်ဆက်ရရင် "Good Goodbye" သီချင်းထွက်ပြီး ၃ လကျော်သွားတာတောင် အခုချိန်ထိ သူ့ Social Media တွေမှာ Promote လုပ်နေတုန်းပါပဲ။ Artist တွေအနေနဲ့ အောင်မြင်မှုတစ်ခုရဖို့ နောက်ကွယ်က အားစိုက်ထုတ်မှု (Effort) က အရမ်းအရေးကြီးပါတယ်။

အစအဆုံး ဖတ်ရှုပေးတဲ့အတွက် ကျေးဇူးတင်ပါတယ်။ ဒီစာက ကျွန်တော်တို့ အတွေ့အကြုံအပေါ် အခြေခံပြီး လေ့လာသင်ယူနေဆဲမို့ သိသလောက် မှတ်သလောက် ဝေမျှပေးတာဖြစ်တဲ့အတွက် လိုအပ်ချက်များ ရှိခဲ့ရင် နားလည်ပေးကြပါ၊ သင်ပြပေးကြပါ။ ကိုယ့်အတွက် တစ်ခုခု အကျိုးရှိသွားတယ်ဆိုရင်တော့ Like & Share လေး လုပ်ပေးခဲ့ပါဦး။ ကျေးဇူးတင်ပါတယ်။