"Free Beat" တွေရဲ့ နောက်ကွယ်ကအန္တရာယ်

 အွန်လိုင်းပေါ်က Beat အလန်းစားတစ်ခုကို Free Download ဆွဲ Melody ထည့် Lyrics ဖြည့်ပြီး သီချင်းတပုဒ်ဖန်တီးတော့မယ်ဆိုရင် ဒီပိုစ့်ကို ဆုံးအောင်အရင်ဖတ်ဖို့လိုပါမယ်။

ခေတ်ကြီးက အရင်လိုမဟုတ်တော့ဘူး၊ စက္ကန့်နဲ့အမျှ နည်းပညာတိုးတက်မှု အရှိန်ကောင်းနေတဲ့ခေတ်ကြီးမှာ "အခမဲ့" ဆိုတဲ့ Loop, Sample, Beat တွေက ညီကိုတို့ရဲ့ အနုပညာခရီးကို အကြီးအကျယ်ထိခိုက်စေနိုင်တဲ့ မမြင်ရတဲ့ ကန့်သတ်ချက်တွေ ရှိနေနိုင်တဲ့အတွက် သတိထားဖို့လိုပါတယ်။ 

Social Media မှာ အပျော်သဘောတင်တာက ပြဿနာမရှိပေမယ့်၊  ဒီသီချင်းကို Spotify, Apple Music တို့လို Streaming Platform တွေမှာ Official Release လုပ်မယ်၊ TikTok/ Meta Platforms / YouTube Content ID ယူမယ်ဆိုရင်တော့ ပြဿနာတွေ ရှိလာနိုင်ပါတယ်။

ခွင့်ပြုချက်မရှိဘဲ Beat, Sample, Loop ကို သုံးမိရင် ဘာတွေဖြစ်လာနိုင်လဲ?

|| YouTube Channel Copyright Strike မိပြီး Channel ပျက်နိုင်ခြင်း

ဒါက အဖြစ်အများဆုံးနဲ့ အန္တရာယ်အကြီးဆုံးပါ။ YouTube ရဲ့မူဝါဒအရ Copyright Strike ၃ ကြိမ် ပြည့်သွားရင် သင်အချိန်တွေ၊ ငွေတွေ၊ အားတွေအများကြီးစိုက်ထုတ်ပြီး တည်ဆောက်ထားတဲ့ YouTube Channel တစ်ခုလုံး အပြီးအပိုင် ဖျက်သိမ်းခံရပါလိမ့်မယ်။ Strike တစ်ခုချင်းစီမှာလည်း Channel ရဲ့ Feature တွေ (ဥပမာ- Live လွှင့်တာ) ပိတ်ခံရနိုင်ပါသေးတယ်။

|| Social & Streaming Profile များထိခိုက်ခြင်း (Profile Restriction) 

• Facebook/Instagram: သင်တင်လိုက်တဲ့ Video/Reel က သီချင်း Audio ကို Mute လုပ်ခံရတာ၊ Post ကို နိုင်ငံအချို့မှာ ကြည့်မရအောင် Block လုပ်ခံရတာမျိုးတွေ ချက်ချင်းကြုံရပါမယ်။ အကြိမ်များလာရင် သင့် Page/Profile ရဲ့ Reach ကျဆင်းသွားနိုင်ပါတယ်။

• Spotify/Apple Music: ဒီ Platform တွေမှာတော့ သင်တင်ပေးတဲ့ Distributor ကနေ သင့်ကို Warning ပေးပြီး သီချင်းကိုဖြုတ်ချပါလိမ့်မယ်။ အကြိမ်များလာရင် အဲ့ဒီ Distributor ကနေ သင့်ကို Blacklist သွင်းပြီး နောက်ထပ်သီချင်းတွေ တင်ခွင့်မပေးတော့တာမျိုးအထိ ဖြစ်နိုင်ပါတယ်။ ကိုယ့်ရဲ့ Artist Profile ကို Blacklist အသွင်းခံရတာမျိုးပါ၊ ဒါကသိပ်ကို ခံရခက်ပါလိမ့်မယ်။ 

|| ဝင်ငွေအားလုံးဆုံးရှုံးခြင်း (Loss of Monetization) 

သင့်သီချင်းကရတဲ့ ဝင်ငွေအားလုံး (ဥပမာ- YouTube Views ကရတဲ့ ပိုက်ဆံ) ဟာ သင့်ဆီကို တစ်ပြားမှမရောက်ဘဲ မူရင်း Beat ပိုင်ရှင်ဆီကို 100% ရောက်သွားပါလိမ့်မယ်။ ညီကိုတို့ကသာ ပင်ပန်းခံပြီး Rap ဆိုပေးရတဲ့ အလကားသက်သက် အခြေအနေဖြစ်သွားပါမယ်။

|| တရားဝင်ပိုင်ဆိုင်ခွင့်မရှိခြင်း

ဒီသီချင်းဟာ သင့်ရဲ့ Original Creation မဟုတ်တဲ့အတွက် သင်တရားဝင်ပိုင်ဆိုင်ခွင့်ရှိမှာ မဟုတ်ပါဘူး။ ဒါကြောင့် ဘယ်နေရာမှာမှ "ဒါကျွန်တော့်သီချင်းပါ" လို့ တရားဝင်ပြောဆိုခွင့်ရှိမှာ မဟုတ်ပါဘူး။

|| ဒါဆို ဘာတွေကို အဓိကရှောင်ရမလဲ? ဘာတွေကို သတိထားရမလဲ?

- "Free" ဆိုတဲ့ စကားလုံးကို အလွယ်မယုံပါနဲ့။

Free Beat တိုင်းမှာ သူ့ရဲ့ License (အသုံးပြုခွင့်စည်းကမ်း) ကပ်ပါလာပါတယ်။ "Free for Non-Profit Use Only" (အကျိုးအမြတ်မယူတဲ့ သုံးစွဲမှုအတွက်သာ) လို့ရေးထားရင် သင် Official Release လုံးဝလုပ်လို့မရပါဘူး။ အခု Free အနေနဲ့ ပေးထားပေမယ့် နောက်ပိုင်းမှာ လူသုံးများလာတဲ့အချိန် Content Right ကောက်တင်လိုက်ပြီး ရသမျှဝင်ငွေ အကုန်သိမ်းသွားတဲ့ အဖြစ်အပျက်တွေကလည်း အများကြီးပါ။

- License ကို သေချာဖတ်ပါ။ 

Beat ကို Download မဆွဲခင်မှာ သူ့ရဲ့စည်းကမ်းချက် (Terms and Conditions) ကို အချိန်ပေးပြီးဖတ်ပါ။ Commercial Use (စီးပွားဖြစ်သုံးခွင့်) ရလား၊ မရလားဆိုတာ အဓိကစစ်ပါ။

- Credit ပေးရုံနဲ့ မလုံလောက်ပါ။ 

မူရင်း Producer ကို Credit ပေးတာက ကောင်းတဲ့အပြုအမူဖြစ်ပေမယ့်၊ ဒါဟာ သင့်ကို တရားဝင်သုံးစွဲခွင့်ပေးလိုက်တာမဟုတ်ပါဘူး။ ခွင့်ပြုချက် (Permission) ကသာ အဓိကကျပါတယ်။

- Music အပ်မယ်ဆိုရင် စုတုပြုတီးခတ်တဲ့ အမည်ခံ Producer တွေဆီမအပ်ပါနဲ့။

ဒါကအရေးကြီးဆုံးအချက်ပါ၊ Music ကိုယ်ကိုယ်တိုင်က Music ကို ဖန်တီးတာမဟုတ်ပဲ Music Producer တယောက်စီမှာ အပ်နှံတာမျိုးဆိုရင် ကိုယ်ပိုင်ဖန်တီးမှုအားကောင်းတဲ့ Professional Music Producer တွေဆီမှာသာအပ်နှံပါ။

ပြည်တွင်းက သီချင်းတွေကို Sample လုပ်ချင်ရင်ရော?

ဒါကလည်း အရမ်းအရေးကြီးပါတယ်။ ကိုယ်ကြိုက်တဲ့ မြန်မာသီချင်းဟောင်းတစ်ပုဒ်ရဲ့ အကောင်းဆုံးအပိုင်းလေးကို ကိုယ့်သီချင်းထဲမှာ ထည့်သုံးချင်တယ်ဆိုရင်...

- တိုက်ရိုက်ခွင့်ပြုချက်တောင်းပါ 

အဲ့ဒီသီချင်းရဲ့ မူရင်းအဆိုတော်၊ တေးရေး၊ ထုတ်လုပ်သူဆီမှာ တရားဝင်ခွင့်ပြုချက်တောင်းပြီး အသုံးပြုခွင့်ကို ဝယ်ယူရပါမယ်။

- Agency တွေကနေတစ်ဆင့် ချိတ်ဆက်ပါ

အရင်ခေတ်က သီချင်းအဟောင်းတွေအတွက်ဆိုရင်တော့ Imagine Music လို Agency တွေကနေတစ်ဆင့် မူပိုင်ခွင့်ကို တရားဝင်မေးမြန်းဝယ်ယူတာမျိုးတွေ လုပ်ဆောင်နိုင်ပါတယ်။ တချို့အထိမခံတဲ့ သီချင်းတွေကိုတော့ လက်ရှောင်ပါ၊ ဒါမှမဟုတ် Attention လိုချင်လို့ဆိုရင်တော့ သဘောပါ။ 

|| အကောင်းဆုံးနဲ့ အလုံခြုံဆုံးနည်းလမ်း

အကောင်းဆုံးနဲ့ ရေရှည်အာမခံချက်အရှိဆုံးကတော့ ကိုယ်ပိုင် Original တီးလုံးကို ဖန်တီးတာ၊ ဒါမှမဟုတ် Producer တွေဆီကနေ Beat License ကို တရားဝင်ဝယ်ယူအသုံးပြုတာပါပဲ။ အဲ့ဒီအခါကျမှ သင်ဖန်တီးလိုက်တဲ့ သီချင်းဟာ သင့်ရဲ့ရင်သွေးလို၊ သင် 100% အပြည့်အဝ ပိုင်ဆိုင်တဲ့ အနုပညာတစ်ခု ဖြစ်လာမှာပါ။

ဒီအကြောင်းအရာနဲ့ပတ်သက်ပြီး ကိုယ့်ရဲ့အတွေ့အကြုံတွေ၊ သိချင်တာတွေရှိရင် Comment မှာ ရင်းရင်းနှီးနှီး ဝင်ရောက်ဆွေးနွေးနိုင်ပါတယ်။ ကျွန်တော်တို့ အတွေ့အကြုံရှိသလောက် ရေးပြထားတာမို့ လိုအပ်ချက်တွေ ရှိနိုင်ပါတယ်။ အစအဆုံးဖတ်ရှုပေးတဲ့အတွက် ကျေးဇူးတင်ပါတယ်။

ကိုယ့်အတွက်တခုခုရသွားတယ်ဆိုရင်တော့ Like & Share Please ပါ။